Welcome to AKWN
the site of world news in Ancient Greek
After 10 years of existence, AKWN was migrated in August 2012 to this new site in order to allow Greek texts to be uploaded as real texts instead of as images. Please go to "General information" to read more about this new stage of AKWN. Please feel free to tell me your opinion about font size, etc.
Webmaster: Juan Coderch (University of St Andrews)
NOTE: I have recently launched a translation of the famous French book Le Petit Prince in Ancient Greek. The title is "The Little Prince ... in Ancient Greek." You can find it in Amazon at a cheap price, but if you want you can download the pdf for free from my other web site; just follow this link:
http://coderch-greek-latin-grammar.weebly.com/the-little-prince-in-ancient-greek.html
Webmaster: Juan Coderch (University of St Andrews)
NOTE: I have recently launched a translation of the famous French book Le Petit Prince in Ancient Greek. The title is "The Little Prince ... in Ancient Greek." You can find it in Amazon at a cheap price, but if you want you can download the pdf for free from my other web site; just follow this link:
http://coderch-greek-latin-grammar.weebly.com/the-little-prince-in-ancient-greek.html
Ὑπολογιστικὸν δυστύχημα ἐν τῇ British Airways
28 Μαίου 2017
Τῷ Σαββάτῳ ἡ ἑταιρεία British Airways δυστυχίαν ἔπαθε δι’ ἣν οὐκ ἐξῆν τῷ ὑπολογιστικῷ συστήματι χρῆσθαι. πρῶτον μὲν ἡ δυσχέρεια μικρὰ ἦν· ἔνιαι μὲν πτήσεις ὑστέρουν, ἔνια δὲ σκεύη οὐκ ἦν ἐν τῷ αὐτῷ ἀεροκάφει καὶ οἱ ἐπιβάται, κτλ. ἔπειτα δὲ τὸ πρόβλημα τοσοῦτο ηὔξησεν ὥστε ἐδέησε πάσας τὰς πτήσεις ἀκυροῦν αἳ εἴτε ἀπὸ τοῦ Λονδίνου εἴτε πρὸς τὸ Λονδίνον πτήσεσθαι μέλλοιεν.
ἡ ἑταιρεία, ἰδοῦσα τὴν δυστυχίαν πολὺν χρόνον μενεῖν μέλλουσαν, ἀγγέλματα μὲν τοῖς πορευσομένοις ἔπεμψε δι’ ὧν ᾔτησεν αὐτοὺς εἰς τοὺς ἀερολιμένας μὴ ἐλθεῖν, τοῦτο γὰρ μείζω ταραχὴν ποιήσοι, ὑπισχνεῖτο δὲ τὰ χρήματα ἀποδώσειν οἷστισιν οὐκ ἐξείη πορεύεσθαι.
τήμερον τῇ Κυριακῇ, τοῦ προβλήματος ἔτι καὶ νῦν διαμένοντος, ἤδη ἐξῆν ἐνίοις ἐπιβάταις πορεύεσθαι, παραδείγματος ἕνεκα αἱ πτήσεις ἀπὸ τοῦ Λονδίνου εἰς τὴν Ῥώμην καὶ εἰς τὴν Μασσαλίαν κατὰ καιρὸν ἤρξαντο. ὅμως δὲ αἱ πλεῖσται πτήσεις ἔτι τήμερον ἠκυρώθησαν. κατὰ τὸν τῆς ἑταιρείας φερέφωνον, καίπερ τοῦ συστήματος ἤδη ἐργάζεσθαι ἀρχομένου, δεήσει ἴσως τρεῖς ἤ τέτταρας ἡμέρας μένειν ἕως ἂν πάντα ὡς τὸ πρότερον ἔχῃ, τὰ γὰρ ἀεροσκάφη καὶ οἱ ἐργασταὶ τὰ κελεύσματα οὐ δεξάμενοι οὐ πάρεισιν οὗ δέοι ἄν.
ἡ ἑταιρεία, ἰδοῦσα τὴν δυστυχίαν πολὺν χρόνον μενεῖν μέλλουσαν, ἀγγέλματα μὲν τοῖς πορευσομένοις ἔπεμψε δι’ ὧν ᾔτησεν αὐτοὺς εἰς τοὺς ἀερολιμένας μὴ ἐλθεῖν, τοῦτο γὰρ μείζω ταραχὴν ποιήσοι, ὑπισχνεῖτο δὲ τὰ χρήματα ἀποδώσειν οἷστισιν οὐκ ἐξείη πορεύεσθαι.
τήμερον τῇ Κυριακῇ, τοῦ προβλήματος ἔτι καὶ νῦν διαμένοντος, ἤδη ἐξῆν ἐνίοις ἐπιβάταις πορεύεσθαι, παραδείγματος ἕνεκα αἱ πτήσεις ἀπὸ τοῦ Λονδίνου εἰς τὴν Ῥώμην καὶ εἰς τὴν Μασσαλίαν κατὰ καιρὸν ἤρξαντο. ὅμως δὲ αἱ πλεῖσται πτήσεις ἔτι τήμερον ἠκυρώθησαν. κατὰ τὸν τῆς ἑταιρείας φερέφωνον, καίπερ τοῦ συστήματος ἤδη ἐργάζεσθαι ἀρχομένου, δεήσει ἴσως τρεῖς ἤ τέτταρας ἡμέρας μένειν ἕως ἂν πάντα ὡς τὸ πρότερον ἔχῃ, τὰ γὰρ ἀεροσκάφη καὶ οἱ ἐργασταὶ τὰ κελεύσματα οὐ δεξάμενοι οὐ πάρεισιν οὗ δέοι ἄν.
Διαδήλωσις ἐν τῷ Παρίσι… ὑπὲρ τῶν ἰχθύων
21 Μαίου 2017
Χθὲς τῷ Σαββάτῳ, τῇ “Εὐρωπαίῃ τῆς Θαλάττης Ἡμέρᾳ“, διαδήλωσις ἐγένετο ἐν τῇ τῆς Γαλλίας πρωτευούσῃ, οὐ μὴν ὑπὲρ τῶν παίδων οἳ ἐν τοῖς πολέμοις ἀποθνῄσκουσιν ἢ ὑπὲρ τῆς δημοκρατίας… ἀλλὰ ὑπὲρ τῶν ἰχθύων.
οἱ διαδηλοῦντες, τοὺς ἰχθῦς μιμεῖσθαι βουλόμενοι, τὸ σῶμα θαλαττίῳ χρώματι ἐπιχρισάμενοι καὶ δίκτυα περιβαλόμενοι, χαμαὶ ἔκειντο (οὕτως ὡς δυνάμεθα ἐν τῇ φωτογραφίᾳ ἰδεῖν), ἐβούλοντο γὰρ ἐπιδεῖξαι ὅτι οὐ μόνον τὰ ζῷα θηρευόμενα ἀλλὰ καὶ οἱ ἰχθύες ἁλιευόμενοι μάλιστα πάσχουσιν. κατὰ τὴν Ἀλεξάνδρα Βλᾶγκ, ἡ τῆς ἑταιρείας Vegan Impact πρόεδρος, πάντες οἱ ὑπὲρ τῶν τῶν ζῴων δικαίων μαχόμενοι ἀεὶ τῶν ἰχθύων ἐπιλανθάνονται, εἶπε δὲ καὶ ὅτι οἱ μὲν χορτοφάγοι, κρέας ἐσθίειν οὐ βουλόμενοι, “εἰς τοὺς ἰχθῦς φεύγοιεν“, τοῦτο δὲ τὸ αὐτὸ εἴη.
τῆς διαδηλώσεως τελευτησάσης, ἡ Α. Β. ἄγγελμα τοῖς τε παροῦσι καὶ τοῖς δημοσιογράφοις ἀνέγνω καθ’ ὃ οἱ μὲν Γάλλοι ἄγαν ἰχθύος ἐσθίουσιν, ἕκαστος ἄθρωπος τριάκοντα πέντε χιλιόγραμμα κατ’ ἐνιαυτόν (τοῦτο δὲ τὸ αὐτό ἐστι καὶ ἑκατὸν γραμμάρια καθ’ ἡμέραν), πολλοὶ δὲ ἔμπειροι ἤδη εἶπον ὅτι τῷ μὲν 2050ῷ ἔτει οἱ ὠκεανοὶ ἴσως κενοὶ ἰχθύων κείσοιντο, δέοι δὲ τούτῳ τέλος ἐπιθεῖναι, οἱ γὰρ ὠκεανοὶ οὐχ οἷοί τ’ εἴεν τοῖς ἀνθρώποις τοσαῦτα ὅσων δεόμεθα παρέχειν.
οἱ διαδηλοῦντες, τοὺς ἰχθῦς μιμεῖσθαι βουλόμενοι, τὸ σῶμα θαλαττίῳ χρώματι ἐπιχρισάμενοι καὶ δίκτυα περιβαλόμενοι, χαμαὶ ἔκειντο (οὕτως ὡς δυνάμεθα ἐν τῇ φωτογραφίᾳ ἰδεῖν), ἐβούλοντο γὰρ ἐπιδεῖξαι ὅτι οὐ μόνον τὰ ζῷα θηρευόμενα ἀλλὰ καὶ οἱ ἰχθύες ἁλιευόμενοι μάλιστα πάσχουσιν. κατὰ τὴν Ἀλεξάνδρα Βλᾶγκ, ἡ τῆς ἑταιρείας Vegan Impact πρόεδρος, πάντες οἱ ὑπὲρ τῶν τῶν ζῴων δικαίων μαχόμενοι ἀεὶ τῶν ἰχθύων ἐπιλανθάνονται, εἶπε δὲ καὶ ὅτι οἱ μὲν χορτοφάγοι, κρέας ἐσθίειν οὐ βουλόμενοι, “εἰς τοὺς ἰχθῦς φεύγοιεν“, τοῦτο δὲ τὸ αὐτὸ εἴη.
τῆς διαδηλώσεως τελευτησάσης, ἡ Α. Β. ἄγγελμα τοῖς τε παροῦσι καὶ τοῖς δημοσιογράφοις ἀνέγνω καθ’ ὃ οἱ μὲν Γάλλοι ἄγαν ἰχθύος ἐσθίουσιν, ἕκαστος ἄθρωπος τριάκοντα πέντε χιλιόγραμμα κατ’ ἐνιαυτόν (τοῦτο δὲ τὸ αὐτό ἐστι καὶ ἑκατὸν γραμμάρια καθ’ ἡμέραν), πολλοὶ δὲ ἔμπειροι ἤδη εἶπον ὅτι τῷ μὲν 2050ῷ ἔτει οἱ ὠκεανοὶ ἴσως κενοὶ ἰχθύων κείσοιντο, δέοι δὲ τούτῳ τέλος ἐπιθεῖναι, οἱ γὰρ ὠκεανοὶ οὐχ οἷοί τ’ εἴεν τοῖς ἀνθρώποις τοσαῦτα ὅσων δεόμεθα παρέχειν.
Κυβερνητικὴ ἐπιβολή
14 Μαίου 2017
Τῇ Παρασκευῇ πολλοὶ ὑπολογισταὶ διὰ πάσης τῆς οἰκουμένης κυβερνητικὴν ἐπιβολὴν ἔπαθον ἣ μεγάλην ταραχὴν ἐποίησεν.
ἤδη ἴσμεν ὅ τι “κυβερνητικὴ ἐπιβολή“ ἐστιν· τῷ συστήματι τῷ τῶν ὑπολογιστῶν ἐπιθέσθαι, ὃ ὡς ἐπὶ τὸ πολὺ “κυβερνητικὸν πόλεμον“ καλοῦμεν. ἆρα τί ἐγένετο τῇ Παρασκευῇ; ἄνθρωπός τις (ὃν ἤδη πάντες ζητοῦσιν) κακὸν ἰὸν ἔπεμψεν ὃς ταχέως διὰ πολλῶν ὑπολογιστῶν ἕρψας πάντας εἰς οὓς εἰσῆλθεν ἐλοιδορεύσατο, οὗτος ὁ ἰὸς πάντα τὰ ἐν τῷ ὑπολογιστῇ ἐνόντα κρύψας ἄγγελμα δείκνυσιν ἐν ᾧ ἀναγιγνώσκομεν ὅτι δεήσει σε χρήματα τίνειν (συστήματί τινι χρώμενον διὰ οὗ οὐκ ἔξεσται τὸν κακουργοῦντα εὑρεῖν) ἐὰν βούλῃ αὖθις τὰ ἐνόντα ἰδεῖν.
τοῦτο ἤδη πολλάκις ἐγένετο, ἀλλὰ αὕτη ἡ ἐπιβολὴ τοσαύτη τε καὶ τοιαύτη ἐγένετο ὅσην τε καὶ οἷαν οἱ ἔμπειροι οὐδέποτε ἑοράκεσαν, καὶ δὴ καὶ οὗτος ὁ ἰὸς οὐ μόνον πολλοὺς ἰδιωτικῶν πολιτῶν ὑπολογιστὰς ἔβλαψεν ἀλλὰ καὶ τὰ συστήματα πολλῶν νοσοκομείων, ὃ κάκιστόν ἐστιν.
τῶν ἐμπείρων ταύτην τὴν ἐπιβολὴν παύειν πειρωμένων οὐδὲ δυναμένων, Βρεταννικὸς νεανίας ὃς οὐδέποτε μὲν ἐν πανεπιστημίῳ τινὶ ἔμαθεν, τυγχάνει δὲ περὶ ὑπολογιστῶν ἐμπειρότατος ὤν, τοῦτο παῦσαι ἐδυνήθη, ηὗρεν μὲν γὰρ μικρὸν ἁμάρτημα ἐν τῷ τοῦ ἰοῦ συστήματι, τούτῳ δὲ τῷ ἁμαρτήματι χρώμενος τὴν ἐπιβολὴν ἔπαυσεν. ὅμως δὲ ἀπήγγειλεν ὅτι ἴσως αὔριον τῇ Δευτέρᾳ ὁ ἰὸς αὖθις ἐπιθήσοιτο, ὁ μὲν γὰρ ἰὸς εἰς πολλοὺς ὑπολογιστὰς ἀφίκετο οἵ, τῶν ἐργαστῶν ἤδη τὸ ἐργαστήριον τῇ Παρασκευῇ καταλιπόντων, ἤδη κεκλεισμένοι ἦσαν, ἐκεῖ δὲ μένει ἕως ἂν ὅστις τούτῳ τῷ ὑπολογιστῇ ἐργάζεται αὖθις χρῆσθαι πειρᾷ.
ἤδη ἴσμεν ὅ τι “κυβερνητικὴ ἐπιβολή“ ἐστιν· τῷ συστήματι τῷ τῶν ὑπολογιστῶν ἐπιθέσθαι, ὃ ὡς ἐπὶ τὸ πολὺ “κυβερνητικὸν πόλεμον“ καλοῦμεν. ἆρα τί ἐγένετο τῇ Παρασκευῇ; ἄνθρωπός τις (ὃν ἤδη πάντες ζητοῦσιν) κακὸν ἰὸν ἔπεμψεν ὃς ταχέως διὰ πολλῶν ὑπολογιστῶν ἕρψας πάντας εἰς οὓς εἰσῆλθεν ἐλοιδορεύσατο, οὗτος ὁ ἰὸς πάντα τὰ ἐν τῷ ὑπολογιστῇ ἐνόντα κρύψας ἄγγελμα δείκνυσιν ἐν ᾧ ἀναγιγνώσκομεν ὅτι δεήσει σε χρήματα τίνειν (συστήματί τινι χρώμενον διὰ οὗ οὐκ ἔξεσται τὸν κακουργοῦντα εὑρεῖν) ἐὰν βούλῃ αὖθις τὰ ἐνόντα ἰδεῖν.
τοῦτο ἤδη πολλάκις ἐγένετο, ἀλλὰ αὕτη ἡ ἐπιβολὴ τοσαύτη τε καὶ τοιαύτη ἐγένετο ὅσην τε καὶ οἷαν οἱ ἔμπειροι οὐδέποτε ἑοράκεσαν, καὶ δὴ καὶ οὗτος ὁ ἰὸς οὐ μόνον πολλοὺς ἰδιωτικῶν πολιτῶν ὑπολογιστὰς ἔβλαψεν ἀλλὰ καὶ τὰ συστήματα πολλῶν νοσοκομείων, ὃ κάκιστόν ἐστιν.
τῶν ἐμπείρων ταύτην τὴν ἐπιβολὴν παύειν πειρωμένων οὐδὲ δυναμένων, Βρεταννικὸς νεανίας ὃς οὐδέποτε μὲν ἐν πανεπιστημίῳ τινὶ ἔμαθεν, τυγχάνει δὲ περὶ ὑπολογιστῶν ἐμπειρότατος ὤν, τοῦτο παῦσαι ἐδυνήθη, ηὗρεν μὲν γὰρ μικρὸν ἁμάρτημα ἐν τῷ τοῦ ἰοῦ συστήματι, τούτῳ δὲ τῷ ἁμαρτήματι χρώμενος τὴν ἐπιβολὴν ἔπαυσεν. ὅμως δὲ ἀπήγγειλεν ὅτι ἴσως αὔριον τῇ Δευτέρᾳ ὁ ἰὸς αὖθις ἐπιθήσοιτο, ὁ μὲν γὰρ ἰὸς εἰς πολλοὺς ὑπολογιστὰς ἀφίκετο οἵ, τῶν ἐργαστῶν ἤδη τὸ ἐργαστήριον τῇ Παρασκευῇ καταλιπόντων, ἤδη κεκλεισμένοι ἦσαν, ἐκεῖ δὲ μένει ἕως ἂν ὅστις τούτῳ τῷ ὑπολογιστῇ ἐργάζεται αὖθις χρῆσθαι πειρᾷ.
Ὁ Τρᾶμπ τὴν τῆς Λευκῆς Οἰκίας ταμίαν ἐκβάλλει
8 Μαίου 2017
Ἡ τοῦ τῶν ΗΑΠ προέδρου φερέφωνος ἤγγειλε τήμερον ὅτι ἡ Angela Reid, ἡ πρώτη Ἀφροαμερικανὴ γυνὴ ἣ κεφαλαία τῆς Λευκῆς Οἰκίας ταμία ἐγένετο, ταύτην τὴν τάξιν οὐκέτι ἔχοι, τοῦτο δὲ τὸ ἀπροσδόκητον ἄγγελμα ἔριν γεγέννηκε διότι ὡς ἐπὶ τὸ πολὺ ἡ κεφαλαία τῆς Λευκῆς Οἰκίας ταμία (ἢ ὁ κεφαλαῖος ταμίας) ἀεὶ ἐν τῇ τάξει μένει καίπερ τοῦ προέδρου μεταβληθέντος καὶ δὴ καὶ πλεῖστα ἔτη μένει (παραδείγματος ἕνεκα, ἐκ τῆς ἀρχῆς τῆς 20ῆς ἑκατονταετίας ἡ Λευκὴ Οἰκία μόνον ἐννέα κεφαλαίους ταμίας ἔσχηκεν, αὕτη δὲ ἡ γυνὴ κεφαλαία ταμία τῷ 2011 ἐγένετο, τοῦ Ὀβάμα προέδρου ὄντος). τούτων οὕτως ἐχόντων, πολλοὶ θαυμάζουσι διὰ ὅ τι μόνον ἓξ ἔτη ἐν ταύτῃ τῇ τάξει ἔμεινεν.
ἡ ἐφημερὶς The Washington Post εἶπεν ὅτι ἡ Reid (ἣν ἐν τῇ φωτογραφίᾳ ἰδεῖν δυνάμεθα) τὴν μὲν τάξιν οὐχ ἑκοῦσα καταλίποι, ἐκβληθείη δέ· κατὰ δὲ ταύτην τὴν ἐφημερίδα, τοῖς ἄλλοις ἐργασταῖς πρωὶ ἀφικομένοις ἡ μὲν φερέφωνος τοῦτο τὸ ἄγγελμα ἤγγειλεν, ἡ δὲ Angela αὐτὴ τοῖς περὶ τὴν τῆς ἀπροσδοκήτου μεταβολῆς αἰτίαν ἐρωτομένοις δημοσιογράφοις οὐδὲν μὲν εἰπεῖν ἐβούλετο, ἀπεκρίνατο δὲ μόνον ὅτι βέλτιον εἴη ἂν εἰ τοῦτο ἡ Λευκῆ Οἰκία αὐτὴ ἐξηγοῖτο.
κατὰ δὲ τὴν Sanders (τὴν φερέφωνον) τοῦτο ἀεὶ γίγνεται, διαβεβαιοῦται γὰρ ὅτι ἐπειδὰν νέος πρόεδρος ἥκῃ μεταβάλλονται καὶ πολλοὶ τῶν τῆς Λευκῆς Οἰκίας ἐργαστῶν. ὁ κεφαλαῖος ταμίας πάντα μὲν ἃ ἐν τῇ Λευκῇ Οἰκίᾳ γίγνεται ἐπιστατεῖ, πάντα δὲ καὶ πάντας συναρμόττει· τούς τε ὀψοποιοὺς καὶ τοὺς ἠλεκτρολόγους καὶ τοὺς διακόνους καὶ τοὺς κηπουρούς…
ἡ ἐφημερὶς The Washington Post εἶπεν ὅτι ἡ Reid (ἣν ἐν τῇ φωτογραφίᾳ ἰδεῖν δυνάμεθα) τὴν μὲν τάξιν οὐχ ἑκοῦσα καταλίποι, ἐκβληθείη δέ· κατὰ δὲ ταύτην τὴν ἐφημερίδα, τοῖς ἄλλοις ἐργασταῖς πρωὶ ἀφικομένοις ἡ μὲν φερέφωνος τοῦτο τὸ ἄγγελμα ἤγγειλεν, ἡ δὲ Angela αὐτὴ τοῖς περὶ τὴν τῆς ἀπροσδοκήτου μεταβολῆς αἰτίαν ἐρωτομένοις δημοσιογράφοις οὐδὲν μὲν εἰπεῖν ἐβούλετο, ἀπεκρίνατο δὲ μόνον ὅτι βέλτιον εἴη ἂν εἰ τοῦτο ἡ Λευκῆ Οἰκία αὐτὴ ἐξηγοῖτο.
κατὰ δὲ τὴν Sanders (τὴν φερέφωνον) τοῦτο ἀεὶ γίγνεται, διαβεβαιοῦται γὰρ ὅτι ἐπειδὰν νέος πρόεδρος ἥκῃ μεταβάλλονται καὶ πολλοὶ τῶν τῆς Λευκῆς Οἰκίας ἐργαστῶν. ὁ κεφαλαῖος ταμίας πάντα μὲν ἃ ἐν τῇ Λευκῇ Οἰκίᾳ γίγνεται ἐπιστατεῖ, πάντα δὲ καὶ πάντας συναρμόττει· τούς τε ὀψοποιοὺς καὶ τοὺς ἠλεκτρολόγους καὶ τοὺς διακόνους καὶ τοὺς κηπουρούς…
Ὁ Τρᾶμπ τὸν τῶν Φιλιππίνων πρόεδρον παρακαλεῖ
1 Μαίου 2017
Ὁ Ἀμερικανὸς πρόεδρος Τρᾶμπ παρεκάλεσε τὸν τῶν Φιλιππινῶν πρόεδρον Δουτέρτε (ἐν τῇ φωτογραφίᾳ) εἰς τὴν Λευκὴν Οἰκίαν, τοῦτο δὲ τὸ ἄγγελμα κακῶς ἐδέξαντο οἱ τῆς ἑταιρείας ὑπὲρ τῶν ἀνθρωπίνων δικαιωμάτων ἐργαζομένης κοινωνοὶ, περὶ γὰρ πάσης τῆς οἰκουμένης μέμφονται ὅ τι ἐν τοῖς Φιλιππίνεσιν γίγνεται· ἐπεὶ μὲν τάχιστα ὁ Δουτέρτε εἰς τὴν ἀρχὴν ἀφίκετο, τὸν πόλεμον ἐπήγγειλε τοῖς φαρμάκων ἐμπόροις τε καὶ καπήλοις, τοῦτον δὲ τὸν πόλεμον πολεμῶν τὰ ἀνθρώπινα δικαιώματα πολλάκις οὐ φυλάττει, λέγεται δὲ ὅτι τούτῳ τῷ πολέμῳ ὡς προφάσει χρῆται ὅπως πολιτικοὺς ἐχθροὺς ἀφαιρῇ. ὅμως δὲ λέγουσιν ἄλλοι ὅτι ἐξ οὗ ὁ Δουτέρτε οὕτως πράττει τὸ τῶν φαρμάκων πρόβλημα ἠλάττεται καὶ ὅτι, δέον τοῦτο τὸ πρόβλημα βίᾳ παύειν, τὸ περὶ τῶν ἀνθρωπίνων δικαιωμάτων “ἀγαγκαῖον κακόν“ ἐστιν.
τοῖς ἐρωτῶσι διὰ ὅ τι τὸν τῶν Φιλιππινῶν πρόεδρον παρακαλέσειεν ἀπεκρίνατο ὁ Τρᾶμπ ὅτι τὸ αὐτῷ συμπράττειν ἀναγκαιότατον εἴη τῆς ἀπειλῆς τῆς Βορείας Κορέας ἕνεκα, τοῦ μεγίστου κινδύνου κατὰ τὸν Τρᾶμπ ἐν ἐκείνῳ τῆς οἰκουμένης μέρει, προσέθηκε δὲ ὅτι τῷ μὲν Σαββάτῳ οἱ δύο πρόεδροι φιλικῶς διὰ τοῦ τηλεφώνου διελέχθησαν, ἔπειτα δὲ ο Τρᾶμπ τὸν τῶν Φιλιππινῶν πρόεδρον παρεκάλεσεν.
ὁ τοῦ τῶν Ἡνωμένων Ἐθνῶν Ὀργανισμοῦ τοῖς Ἀνθρωπίνοις Δικαιώμασι φερέφωνος Zeid Raad al Hussein ἐλπίζει τὸν Τρᾶμπ τῷ τῶν Φιλιππινῶν προέδρῳ τὰ ἐγκλήματα παραγγελεῖν τούτου τοῦ ὀργανισμοῦ περὶ τῆς πρὸς ταῦτα τὰ δικαιώματα ὕβρεως.
πρὸς δὲ τούτῳ ὁ Τρᾶμπ παρεκάλεσε καὶ τὸν τῆς Ταιλανδίας πρωθυπουργὸν τῆς αὐτῆς αἰτίας ἕνεκα, ὁ γὰρ Ἀμερικανὸς πρόεδρος πειρᾶται συμμαχίας ποιεῖσθαι ταύταις ταῖς χώραις αἳ ἐγγὺς τῆς Βορείας Κορέας κεῖντα.
τοῖς ἐρωτῶσι διὰ ὅ τι τὸν τῶν Φιλιππινῶν πρόεδρον παρακαλέσειεν ἀπεκρίνατο ὁ Τρᾶμπ ὅτι τὸ αὐτῷ συμπράττειν ἀναγκαιότατον εἴη τῆς ἀπειλῆς τῆς Βορείας Κορέας ἕνεκα, τοῦ μεγίστου κινδύνου κατὰ τὸν Τρᾶμπ ἐν ἐκείνῳ τῆς οἰκουμένης μέρει, προσέθηκε δὲ ὅτι τῷ μὲν Σαββάτῳ οἱ δύο πρόεδροι φιλικῶς διὰ τοῦ τηλεφώνου διελέχθησαν, ἔπειτα δὲ ο Τρᾶμπ τὸν τῶν Φιλιππινῶν πρόεδρον παρεκάλεσεν.
ὁ τοῦ τῶν Ἡνωμένων Ἐθνῶν Ὀργανισμοῦ τοῖς Ἀνθρωπίνοις Δικαιώμασι φερέφωνος Zeid Raad al Hussein ἐλπίζει τὸν Τρᾶμπ τῷ τῶν Φιλιππινῶν προέδρῳ τὰ ἐγκλήματα παραγγελεῖν τούτου τοῦ ὀργανισμοῦ περὶ τῆς πρὸς ταῦτα τὰ δικαιώματα ὕβρεως.
πρὸς δὲ τούτῳ ὁ Τρᾶμπ παρεκάλεσε καὶ τὸν τῆς Ταιλανδίας πρωθυπουργὸν τῆς αὐτῆς αἰτίας ἕνεκα, ὁ γὰρ Ἀμερικανὸς πρόεδρος πειρᾶται συμμαχίας ποιεῖσθαι ταύταις ταῖς χώραις αἳ ἐγγὺς τῆς Βορείας Κορέας κεῖντα.
